Almudassir Media Centre
Mei 2018

Salam tibo sambah babari
Sairiang datang bulan puaso
Rila jo ma’af dipintakan, 

Kok manyaik talampau gadang
Kok mangarek talampau kapangka
Kok marauik talampau aluih
Kok mambagi indak samo…. dst

Talantuang kanaik tagisia ka turun
Kok ado upek jo puji
Kato nan talompek.
Muluik nan talongsong

Di susun jari nan sapuluh
Minta ampun pado Allah Swt
Minta maaf ka urang tuo jo dun sanak kawan kasadonyo

Mudah-mudahan Amal Ibadah awak Maningkek di bulan Puaso…


Terjemahan :
Rang Ming = Orang Minang

Salam tiba sembah diberi
Seiring datang bulan puasa
Rela dan ma’af dipintakan, 

Jika mengiris terlampau besar
Jika memotong terlampau ke pangkal
Jika meraut terlampau halus
Jika membagi tidak sama

Terpental naik, tergeser turun
Jika ada umpat dan puji
Kata yang terlompat (keterlaluan)
Mulut yang keterlaluan

Di susun jari yang sepuluh
Minta ampun pada Allah Swt
Minta maaf ke orang tua dan keluarga serta kawan semuanya

Mudah-mudahan Amal Ibadah kita meningkat di bulan Puasa…

Assalamualaikum,
Dalam manyambuik puaso ko, kalo ado kato yang mambuek mato sambok, tingkah nan mambuek darah tasirok, garah nan mambuek pangana maolok, sikap nan mambuek sanak mangambok, mumpung setan lah tatangkok, pintu narako sadang basaok, pintu sarugo sadang tasingkok, marilah samo baelok bilo doso pai bakirok, puaso ditarimo Allah nan kito harok, babuko jan talalu cangok, ndak dapek kolak jan manggarutok, bia banyak lalok dari pado mancilok, batobatlah sabalum angok dibaok!!

2/
Buruang pipit tabang surang,
Datuk Maringgih iyolah kayo.
Kini puaso alah datang,
Jan lupo maafkan ambo,
Marhaban ya Ramadhan.

3/

Jo hati nan suci
Muko nan janiah
Maharok kato maantaan sambah
Kok ado tingkah nan indak patuik
Lai tampak indak tasapo
Lai tasapo indak tasalami
Lai tasalami indak tasuruah duduak
Tasuruah duduak indak pado tampeknyo
Jo hati nan janiah, kami mangatoan Minal aidin wal faidzin

 

4/

Rumah gadang maimbau pulang
Tanah rantau manahan kaki
Khilaf jo salah mambuek gamang
Ampun jo maaf mohon dibari

 

5/

Cupak panuah gantang balanjuang
pusako adat Minangkabau dalam luhak nan tigo
jo salam sambah dianjuang

ukua jo jangka kok talampau
karek jo kuduang nan ndak di garih
paek jo giriak nan ndak di rueh

tuah gadiang di nan ratak
kok kandak raso lai ka buliah pintak
kok lai ka balaku jo sambah salam ambo mintak

ka ALLAH kito mintak ampun
ka dunsanak ambo mintak maaf
"salamaik manyambuik bulan suci Ramadhan"

MKRdezign

Formulir Kontak

Nama

Email *

Pesan *

Diberdayakan oleh Blogger.
Javascript DisablePlease Enable Javascript To See All Widget