Almudassir Media Centre

Adat Sambah Datuk Parpatih

TAMBO ALAM
                                                             Pantanal Alua Pasambahan
                                                                ADAT MINANG KABAU
                                                                             Oleh
                                                                     Dt.  BANDARO
                                                                     PENDAHULUAN
Kato caro Minang
Pati tiap lunak nan tigo
Nan turun  dari datuak Parpatiah Nan Sabatang
Disabuik Kato pusako.
Nan Disabuik Kato pusako
Yaitu Kato undang-undang
Dek banyak tak namua lupo
Dek lamo tak namuah hilang.
  Elok ranahnyo Minang kabau – rupa keramik tinggi-tinggi – Cando pinangnyo lingguyuran -  rupo rumpuiknyo ganti-gantian.
Bukik baririk kirimkan – Meraki jo Singgalang – Pasaman jo gunuang Sago  -  Tandikek jo gunuang Tulang.
 Pudiang aneh batimba jalan – baringin menangah koto – labuah luruih jalannyo golong – sawah batumpuak di nan data – ladang babidang di nan lereng – Banda baliku turuik bukik – cancang latiah niniak moyang tambilang basi rang tuh kito.
  Sawah lah sudah jo lantaknyo – ladang lah sudah jo ranjinyo – sawah balantak basupadan – ladang diagiah babintalak – padang di bari baligundi – bukik di bari ba karakatau – ka ateh nyato tak ambun jantan – ka bawah alah takasiek bulan – hak bapunyo – ganggam ba umpuak.
  Rumah gadang surambi aceh – nan salanja kudo ba lari – nan sa litak kuciang melompek.
Sandi banamo alua adat – tonggak banamo kasandaran.
Kalau dicaliak ka lantainyo data ba lantai kulik – licinnyo ba lantai papan.
  Gonjong banamo rabuang mambacuik – timah mamutiah di atehnyo – tonggak gaharu lantai candano – tarali gadiang balariak – bubungan baruak ka tabang – tuturan labah mangirok – paran ba gamba ula bagaluik rupo ukia cino – salo manyalo aia perak – anjuang batingkek ba alun-alun – tampek manusia manarawang – paranginan puti di sinan.
  Limpapeh rumah nan gadang – sumarak di dalam kampuang – hiasan dalam Nagari.
Kok hidupku tampek banasa kok mati tampek ba niat – ka undang-undang ka madinah – ka payuang panji ka sarugo -  cahayo rumah salendang dunia.
Kito di alam Minangkabau
Lah patuik tasintak pulo
Kutiko maso balun talampau
Elok di ulang sejarah lamo
  Takalo maso dahulu – samusim maso saisuak – katiko langik basentak turun – bumi basentaknaiak  - lauik sacampak jalo – tanah dareh balun lai lebanan timbua gunuang Marapi.
  Lorong di niniak moyang kito – asa usua kalau di kaji di dalam si TAMBO lamo – sadiah balahan tigo jurai. Sajurai ka banda cino – Sajurai ka banua rujukan Sajurai ka Minangkabau.
  Pihak di sutan Maharajo Dirajo – tabiat di dalam hati – tapi tolong dalam kiro-kiro – ba lain inyo maso itu di ateh dandang nan sabuah – cukuik jo urang cadiak pandai.
  Dek lama dandang balaia – di dalam lauik baharullah – tampaklah api takijok-kijok – gunuang suatu maso itu di ateh puncak langgapuri – banamo gunuang Marapi – Sinan singkarak nan badangkakng – sarato buayo putiah daguak – di batu ampa putiah di bukik patah patigo – banamo si bukik guntang-guntang.
 Dimano titiak palito
Di baliak tolong nan batali
Dimano asa niniak kito
Iyo di puncak gunuang Marapi
 
  Basentak turun ka bawah – lah tibo di guguak ampang Silagundi nan baselo – di sinan mulo bataranak sabalun bakorong dengan kampuang – sabalun bakoto jo nagari – maso badeta deta upiah – maso bacawan penawaran.
  Dek lamo alam baputa – urang batambah kambang juo – kamanakan batambah banyak – dipabuek sawah jo ladang – dibuek adat dikarang undang disusun tangkai ciek-ciek dipaku ka tiang panjang – makanan urang tigo lunak.
  Partamo Lunak Tanah Data – kaduo Luhak Agam – katigo Luhak Limopuluah.
  Tanah Data baluhak Agam – katigo Luhak Limopuluah – balun diliek lah dimakan – raso alah tibo dalam tubuah.
  Nan disabuik Luhak Tanah Data – babatu bungo satangkai – basungai bakayu tarok – bakampuang di baliak labuah – banamo si dusuntuo – balimo kaum di sinan.
  Limo Kaum duobaleh koto – sambilan koto di dalam duobaleh anak kotonyo.
Batabek basawahtangah – sawah gadang satampang baniah – makanan urang tigo Luhak – ikua labuah tanjuang Sungayang – Sungaitarab salapan batua si jangek koto badampiangan – bapintu ka Sungaipatai – bajanjang ka kotorajo – ba basa ka ampekbalai.
  Panitahan di Sungai Tarab, Mangkudun di Sumani – indomo di Saruaso – Tuan Kadi di Padang Gantiang.
  Balubuak tigo ba tanjuang nan tigo – partamo Lubuak Sikarah (Solok) – kaduo Lubuak Simauang (Talawi) – katigo Lubuak Si Punai (Tanjuang Ampalu).
Urang Padang Maanjik banang
Dianjik lalu diparampek.
Parampek lalu dipatigo
Kalau dirantang namuahnyo panjang
Elok dikumpa naknyo singkek
Singkek sekadar ka paguno.
Ambo nan tidak cadiak pandai
Ilmu di Tuhan tasimpannyo
Kok senteng tolong dibilai
Tando Panghulu sa andiko.
Kureta dari Ujuang Guguak
Baranti tantang pakan baso
Angan lanteh paham tatumbuak
Tolong dek datuak
Label:

Posting Komentar

MKRdezign

Formulir Kontak

Nama

Email *

Pesan *

Diberdayakan oleh Blogger.
Javascript DisablePlease Enable Javascript To See All Widget